ակտուալ արվեստ մշակութային միությունը Համաշխարհային Բանկի Հասարակության զարգացման հիմնադրամի դրամաշնորհով կազմակերպեց «Գյումրի. աղետը որպես կյանքի նորմ» վիզուալ արվեստների մրցույթը: Պլակատի, ծաղրանկարի, անիմացիայի, բջջային հեռախոսի տեսաֆիլմի, լուսանկարի շարքում ընդգրկված է նաեւ կոմիկսը` արվեստի մի տեսակ, որի զարգացումը նոր է սկսվել Հայաստանում:

արտերիաում վեպի, պատմավեպի եւ վիպումի շուրջ զրուցեցին ֆրանսահայ մտավորական, գրող Գրիգոր Պըլտյանը եւ արտերիա եւի խմբագիր Սիրանուշ Դվոյանը: Պատմավեպը որքանո՞վ է կապված իշխանական տրամասության (discourse) հետ եւ ժամանակակից վեպը ինքնազատագրումների ու նոր մոդելներ բերելու ի՞նչ ռազմավարություններ է կիրառում, վիպումը որքանո՞վ է ներգրավված ինքնակրկնումների մեջ – հարցերի շրջանակ, որոնց շուրջ ծավալվեց խոսակցությունը:

Orange Armenia-ի եւ Հայ գրքի կենտրոն-ի ամենամյա ծրագրերից է Orange գրքի մրցանակ գրքի մրցույթը: Այն մեկնարկել է 2011 թվականին: Մրցույթի նպատակն է խթանել ընթերցանության հանդեպ հետաքրքրությունը, օգնել ժամանակակից հայ գրողներին ճանաչվել ընթերցասեր հանրության կողմից եւ բացահայտել նրանց գրական ստեղծագործությունները: Այդ իսկ պատճառով մրցույթին մասնակցելու համար չկան տարիքային սահմանափակումներ:

1924թ. ճարտարապետներ Կարո Հալաբյանն ու Միքայել Մազմանյանը եւ Եղիշե Չարենցը Մոսկվայում հրատարակում են Ստանդարտ ամսագիրը: Հրատարակվել է ամսագրի միայն մեկ համար:

Եղիշե Չարենցի այս նամակն ուղղված է Մամիկոն Գեւորգյանին, ով Նորք հանդեսի պատասխանատու քարտուղարն էր այդ տարիներին, պատմաբան, Նորք հանդեսի խմբագիր Աշոտ Հովհաննիսյանի գաղափարակիցը:

Հայ Գրքի Կենտրոն հասարակական կազմակերպության առաջին մեծ ծրագիրը 2010թ. հոկտեմբերին Երեւանում կայացած Դարձ առ գիրք գրքարվեստի ամենամյա փառատոնն էր, որի հիմնական նպատակը ամենատարբեր միջոցառումներով` քննարկումներ, սեմինարներ, գրքի տաղավարներ, պատկերապատում եւ այլն, գրքարվեստի ու գրատպության մշակույթի զարգացումն է: Այն որպես այդպիսին առայժմ աննախադեպ է տարածաշրջանում: