Առաջին հայացքից կոմիկսը կապ չունի քննադատական կայքի հետ, սակայն նկարի ու խոսքի համակցումը շատ մեծ ու անկանխատեսելի ազդեցություն է թողնում: Այս էջը քաղաքական չէ, բայց քանի որ ազատությունը հակադարձ համեմատական է քաղաքականացվածությանը (ինչքան քիչ է առաջինը այնքան շատ թեմաներ են համարվում քաղաքական), սոցիալական մեկնաբանությունը շատ անգամ վերածվում է քաղաքականի: Օրինա՞կ, խնդրեմ. ես այստեղ գրում եմ «վարչապետ» բառը: Ուրիշ ոչինչ, ոչ մի մեկնաբանություն: Նայեք այս բառին 15 վայրկյան: Համոզվեք, թե ինչ քաղաքական ենթատեքստ ունի այն: