Հուլիսի 12-ին Գյումրիի Ասլամազյան քույրերի թանգարանում գերմանական Գյոթե-ինստիտուտի կովկասյան գրասենյակի նախաձեռնությամբ բացվեց գերմանացի հայտնի լուսանկարիչ Առնո Ֆիշերի ցուցահանդեսը։




 

Բացման արարողությունից հետո այցելուներին ներկայացվեց «Գյումրվա Times»-ի փորձանմուշը, որն առաջիկայում հրատարակվելիք «Ամսագիր» թերթի մշտական բաժինն է լինելու։
 

«Ամսագիրը» 32 էջանոց, գունավոր մշակութային թերթ է, որի հրատարակումը նախաձեռնել են «Ակտուալ արվեստ» ՀԿ-ն, «Վերսուս» ստուդիան եւ Պատահականոթյունների պլանավորման կենտրոնը։

Նպատակը նոր հարթակի ձեւավորումն է, որը հնարավորություն կտա մշակութային տեսանկյունից դիտարկելու եւ քննարկելու մեր կյանքի գրեթե բոլոր ոլորտները։


 

«Գյումրվա Times»-ը, մեծ հետաքրքրություն առաջացրեց գյումրեցիների շրջանում՝ նախապատրաստելով «Ամսագիր» թերթի մուտքը, որը նախատեսվում է գալիք սեպտեմբերին։

| տեսգրությունները սիրով տրամադրեց ՇԻՐԱԿ հեռուստա-ռադիոընկերությունը |