Ամռանը հնչած այս միտքն ընդամենը աշնանն իրականացավ. խորհուրդը ստեղծվեց: Ու~ր էր թե բոլոր նման մտքերը այդպես կայծակնային արագությամբ իրագործվեին... Ուրեմն, մենք էլ լցվենք օպտիմիզմով` կիսելով հիմնադրամի նախաձեռնողների օպտիմիզմը, եւ հիշեցնենք ընթերցողին նորաստեղծ հիմնադրամի հիմնական նպատակները.

• աջակցել ՀՀ եւ ԼՂՀ տարածքում մշակույթի զարգացմանն ու պահպանմանը, մշակութային գործընթացներին

• նպաստել ՀՀ մարզերի եւ մայրաքաղաքի մշակութային կյանքի համաչափ զարգացմանը

• կազմակերպել Հայաստանի մշակութային ժառանգության հանրահռչակումը արտերկրում

• աջակցել հայագիտական բնույթի աշխատությունների, ստեղծագործությունների ստեղծմանն ու տարածմանը

• օժանդակել ստեղծագործող երիտասարդներին, ստեղծագործական կազմակերպություններին եւ կրթօջախներին

• նպաստել մշակութային-կրթական ծրագրերի իրականացմանը

Իհարկե, վերը նշված խնդիրների լուծման դեպքում օպտիմիզմի կարիքն ինքնին կվերանա, քանզի օպտիմիզմն անհրաժեշտ է հենց դրանք լուծելու հանդգնությունն ունենալու համար...

Ինչեւէ, ձեռնոցը նետված է: Մեզ մնում է (եւ կոչ ենք անում նաեւ բոլոր շահագրգիռ բարեկամներին) վերցնել թուղթ ու գրիչ, պատշաճ կերպով լրացնել հայտերն ու ուղարկել յուրաքանչյուր երեքշաբթի եւ հինգշաբթի, ժամը 12:00 – 15:00, Դ.Դեմիրճյան 25 հասցեով, իսկ տեղեկությունների համար զանգահարել` 010 52-57-74, 099 52-57-74:
 

հայտի ձեւը կգտնեք այստեղ - http://www.datafilehost.com/download-0b979de1.html